Roma papası Meksikaya səfər edəcək

Bakı. 12 fevral. REPORT.AZ/ Bu gün Roma papası Fransiskin Meksikaya səfəri başlayır.

"Report"un "BBC"yə istinadən verdiyi xəbərə görə, beş gün davam edəcək səfər çərçivəsində Roma papası paytaxt Mexiko ilə yanaşı Çapyas, Miçoakan və Çiuaua ştatlarına baş çəkəcək.

Fransiskin təhlükəsizliyini təmin etmək məqsədi ilə 20 min polis əməkdaşı səfərbər edilib.

Qeyd edək ki, Meksikanın Çiuaua ştatı dünyanın ən təhlükəli yerlərindən biri hesab olunur.