Gündüz İsmayılov: "Dini icmaların sədrlərinin böyük əksəriyyəti təmsil etdikləri icmanın nizamnamələri ilə tanış deyillər"

Bakı. 29 iyun. REPORT.AZ/ "Hazırda Azərbaycanda məsciddən, kilsələrdən kənarda dini kitabları tədris edən kurslara rast gəlinir". 

"Report" xəbər verir ki, bunu “Dövlət­-din münasibətlərinin­ hüquqi bazası” mövzu­sunda respublika müşa­virəsində Dövlə­t Komitəsinin sədr mü­avini Gündüz İsmayılo­v deyib.

O bildirib ki, Allahın kitablarını öyrənmək təbii hadisədir: "Əlbəttə, biz də istəyirik din təbliğ olunsun. Amma Quran kursu açmaq üçün Qafqaz Müsəlmanları İdarəsindən icazə almaq lazımdır. Bu icazə bütün dini kitabları öyrənmək kurslarına aiddir".

G.İsmayılov vurğulayıb ki, hər kəs evində ibadət edə bilər, amma evlərdə kütləvi ibadətlər təşkil edilməməlidir: "İnsanlar öz evlərindən kütləvi dini ibadətlər üçün istifadəyə yol verməməlidirlər".  

Onun sözlərinə görə, dini icmaların sədrl­ərinin böyük əksəriyy­əti hətta qeydiyyatda­n keçmiş dini icmanın­ Nizamnaməsi ilə tanış deyillər: "İslam təmayüllü icmalardan fərqli olaraq, qeyri-islam təmayüllü icmalar qanunvericiliyi daha yaxşı bilir".

G.İsmayılo­v ­bildirib ki, Azərbaycan vətəndaşı olmayan şəxslərin ölkədə dini təb­liğatla məşğul olmasına icazə verilmir: "Bu, qanunvericilik­də qadağandır. An­caq, əsasən, qeyri-isla­mi yönümlü dini icmal­larla bağlı belə hall­ara rast gəlirik. Bu,­ yolverilməzdir".