Yaponiyanın cənubundakı Okinava prefekturasında yerləşdirilmiş ABŞ hərbi qulluqçuları arasında koronavirusa azı 17 yeni yoluxma aşkarlanıb.
“Report”un məlumatına görə, bu barədə NHK telekanalı bildirib.
Qeyd edilir ki, yoluxma Kemp-Xansen bazasında 13 nəfərdə və Kemp-Kinser bazasında isə 2 hərbçidə qeydə alınıb. Bundan başqa, daha bir yoluxma Futemma təyyarə bazasında və Kadena aviabazasında aşkarlanıb. Beləliklə, Okinavada koronavirusa yoluxan ABŞ hərbçilərinin ümumi sayı 273 nəfərə çatıb.