Vyetnamda yanğın baş verib, azı 13 nəfər ölüb

Bakı. 23 mart. REPORT.AZ/ Vyetnamın Xoşimin şəhərində hündürmərtəbəli yaşayış binasında baş vermiş yanğın nəticəsində azı 13 nəfər ölüb.

“Report” “RİA Novosti”yə istinadən xəbər verir ki, bu barədə "VNExpress" qəzeti yazıb.

Yanğın cümə gününə keçən gecə 700-dən artıq ailənin yaşadığı 20 mərtəbəli binada baş verib.

Bəzi insanlar alovdan xilas olmaq üçün özlərini yuxarı mərtəbələrdən ataraq ölüb.

Polisin verdiyi məlumata görə, azı 10 nəfər xəsarət alıb.