Hindistanda ildırım düşməsindən 9 nəfər ölüb, 23 nəfər xəsarət alıb

Hindistanın şərqindəki Carkhand ştatındakı Qarhva dairəsində ildırım düşməsi nəticəsində 9 nəfər ölüb, 23 nəfər xəsarət alıb.

Bu barədə "Report" "Hindustan Times"a istinadən xəbər verir.

Qeyd olunur ki, hadisə Loxarpurva kəndində baş verib. İldırımın 6 nəfərin  altında oturduğu ağaca düşməsi nəticəsində onlar ölüblər. Daha 2 nəfər Qarhva xəstəxanasında keçinib.

Ştat rəhbərliyi ölənlərin hər birinin ailəsinə 5,6 min ABŞ dolları məbləğində təzminat ödəyəcəyinə və zərərçəkənləri lazımi müalicə ilə təmin edəcəyini söz verib.