​Bağdadda iki güclü partlayış baş verib: 11 ölü, 25 yaralı

Bakı. 30 yanvar. REPORT.AZ/ İraqın paytaxtı Bağdadda iki güclü partlayış baş verib. Bu barədə "Report" "TASS" agentliyinə istinadən xəbər verir.

"Əl-Cəzirə" telekanalının məlumatına görə, 11 nəfər ölüb, 25-i yaralanıb.

Hücum Əl-Bab Əş-Şərqi məhəlləsində həyata keçirilib. Terror aktının həyata keçirilməsində hələlik heç kim məsuliyyəti öz üzərinə götürməyib.

Xəbər verilir ki, Bağdad ətrafındakı partlayışlar və atışmalar nəticəsində cümə ertəsi günü 20-yə yaxın iraqlı öldürülüb.