Avstraliya XİN rusiyalı diplomatları casusluqda şübhəli bilir

Bakı. 28 mart. REPORT.AZ / Avstraliyanın xarici işlər naziri Culi Bişop Rusiya diplomatlarının casusluqla məşğul olması şübhələri ilə əlaqədar Kanberra şəhərində Rusiyanın səfiri Qriqori Loqvinovla görüşəcək.

Bu barədə "Report" ABC telekanalına istinadən xəbər verir.

C.Bişop telekanala müsahibəsində bildirib ki, bu məlumatları ona Avstraliya kəşfiyyatı təqdim edib.

Q.Loginov isə "diplomat casuslar" haqqında telekanalın sualına cavab olaraq deyib ki, ümumiyyətlə, bu, çox gülməli məsələdir: "Səfirlikdə heç vaxt casuslar işləməyiblər."