Birləşmiş Ştatlarda yerli "Hawaiian Airlines" aviaşirkətinə məxsus təyyarə qəza enişi edib.
“Report” xəbər verir ki, bu barədə yerli hakimiyyət orqanlarına istinadən CNN telekanalı məlumat yayıb.
Layner Kaliforniya ştatının Oklend şəhərindən Havay adalarının Qonolulu şəhərinə uçurmuş. Təcili eniş təyinat yerinə edilib. Hadisəyə hava gəmisinin göyərtəsində tüstülənmə səbəb olub.
Nəticədə ikisi uşaq olmaqla 7 sərnişin xəsarət alıb. Onların hamısı nəfəs çağışmazlığı problemi ilə xəstəxanaya yerləşdirilib.
Uçuş zamanı təyyarədə tüstülənmənin hansı səbəbdən yaranması araşdırılır.