Bolnisidə koronavirusa yeni yoluxma halı təsdiqlənib

Gürcüstanda azərbaycanlıların sıx yaşadıqları Bolnisi rayonunda koronavirusa yeni yoluxma halı qeydə alınıb.

“Report”un yerli bürosu xəbər verir ki, yoluxan şəxs Kvemo Bolnisi (Kəpənəkçi) kənd sakinidir.

O, karantində olub və ötən gün COVID-19-la bağlı testinin nəticəsi pozitiv çıxıb.

İndiyədək Bolnisidə koronavirus 186 nəfərdə aşkarlanıb. Onların 114-ü artıq sağalıb, 4-ü isə vəfat edib.

Qeyd edək ki, rayonun Muşevani (Dəllər) və Geta (Aşağı Güləver) kəndlərində sərt karantin rejimi hələ qüvvədədir.