Türkiyə XİN: “Ermənistan hakimiyyətinin ağlını başına yığmasının vaxtı gəlib”

Ermənistan bölgədə sülhün və sabitliyin bərqərar olmasına əsas maneədir.

“Report”un məlumatına görə, bu barədə Türkiyə Xarici İşlər Nazirliyinin yaydığı bəyanatda qeyd olunub.

“Uzun illərdir Azərbaycan ərazilərinin qanunsuz işğalını davam etdirən Ermənistan bölgədə sülhün və sabitliyin bərqərar olmasına əsas maneədir.

Ermənistan hakimiyyətinin təcavüzkar millətçi siyasətindən əl çəkərək ağlını başına yığmasının vaxtı gəlib”-deyə, məlumatda bildirilib.