Yuxarı
    Bağlamaq

    ​Ümumrusiya Bədii Gimnastika Federasiyasının prezidenti: Bakıda keçiriləcək Oyunlar bizim üçün Olimpiya ilə eynidir

    Bakıda keçiriləcək Oyunlarda dünyada lider mövqe tutan bütün Avropa bədii gimnastikası təmsil olunacaq

    Bakı. 16 aprel. REPORT.AZ/ Rusiyanın bədii gimnastika üzrə yığma komandası Bakıda keçiriləcək I Avropa Oyunlarında güclü heyət ilə təmsil olunacaq.

    "Report" TASS-a istinadən xəbər verir ki, yığmanın baş məşqçisi, Ümumrusiya Bədii Gimnastika Federasiyasının prezidenti İrina Viner-Usmanovanın sözlərinə görə, komandada iki yerə liderlər Marqarita Mamun, Yana Kudryavtseva və Aleksandra Soldatova idda edir.

    "Bakıda keçiriləcək Oyunlarda dünyada lider mövqe tutan bütün Avropa bədii gimnastikası təmsil olunacaq. Ona görə Bakıdakı Oyunlar bizim üçün Olimpiya Oyunları ilə eynidir və Rusiya yığması güclü olmalıdır. Biz komandanı təmsil edəcək iki gimnastı yığmanın Mamun, Kudryavtseva və Soldatova arasından seçməliyik. İştirakçılar mayda Daşkənddə keçiriləcək Dünya Kubokundan sonra müəyyən ediləcək", - deyə Viner-Usmanova bildirib.

    I Avropa Oyunları 12-28 iyun tarixlərində keçiriləcək.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi