Yuxarı
    Bağlamaq

    Petr Paxnyuk: "Avropa Oyunlarına özümə və gücümə heyfslənmədən hazırlaşıram"

    Yüksək nəticə göstərmək istəyirəm

    Bakı. 9 fevral. REPORT.AZ/ "Bakı-2015" I Avropa Oyunlarında iştirakı nəzərdə tutulan kişi idman gimnastı Petr Paxnyuk Azərbaycan Gimnastika Federasiyasının (AGF) mətbuat xidmətinə müsahibə verib. "Report" həmin müsahibəni təqdim edir.

    - Gimnastikaya gəlişiniz haqda danışın. Necə oldu ki, məhz bu idman növünü seçdiniz?

    - Belə alındı ki, atam məni gimnastikaya, anam isə musiqi məktəbinə yazdırdı. Mən gimnastikanı seçdim, çünki bir yerdə oturmaq xoşuma gəlmirdi.

    - Necə düşünürsünüz, başqa idman sahəsində uğurlu ola bilərdiniz?

    - Boş vaxtlarımda mən digər idman növləri ilə də məşğul olmuşam. Buna görə də düşünürəm ki, məndə alınardı.

    - Fikrinizcə, hər hansı idman növündə vacib olan nədir?

    - Ən vacibini seçmək çətindir. Bütün professional idman növlərində kompleks keyfiyyətlər tələb olunur – bunlar dözümlülük, fiziki güc, səbr, xarakter, zəhmətsevərlilikdir. Bu siyahını artırmaq da olar, lakin öz peşənə istək və sevgin olduğu zaman bunlar xoş məqamlardır.

    - Yarış günü emosiyalarınızla necə bacarırsınız? Təmkinli olmağınızın sirri nədədir?

    - Hazır olduğum zaman mən həmişə sakit çıxış edirəm. Yaxşı hazırlıq isə bu işin əsəs və başlıca sirridir.

    - Professional idmanla məşğul olmaq nə dərəcədə təhlükəlidir? Yoxsa, bu, idman növündən asılıdır?

    - Əlbəttə, bu, idman növündən asılıdır. İdman gimnastikası daha travmatikdir, buna görə də hər məşq konsentrasiya tələb edir.

    - İdmanda kumiriniz var?

    - Xeyr.

    - Yaxın gələcək üçün idman planlarınızdan danışardınız...

    - Səbirsizliklə gözləyirəm yarışları. Yaxşı çıxış etmək istəyirəm.

    - Avropa Oyunları sizin üçün nə kəsb edir və necə hazırlaşırsınız?

    - Mənim üçün Avropa Oyunları ciddi yarışdır, buna görə də özümə və gücümə heyfslənmədən hazırlaşıram. Yüksək nəticə göstərmək istəyirəm.

    - İdmandan bir az uzaqlaşsaq, reallaşdırmaq istədiyiniz başqa arzularınız, məqsədləriniz var?

    - Müəyyən məqsədlər, istəklər əlbəttə var. Axı idmandan sonrakı həyat da az maraqlı olmalı deyil!

    - İdmanla gündəlik həyatınızı birləşdirə bilirsiniz?

    - Uzun müddətdir ki, mən idmandayam və bu artıq mənim üçün adidir.

    - Ailəniz haqda danışardınız...

    - Mənim dostcanlı, kiçik ailəm var, atam, anam və bacım. Atam hərbçi, anam isə evdar xanımdır. Bacım isə prokurorluqda işləyir, o, ağıllı və məndən fərqli olaraq daha əzmlidir (gülür).

    - Sevdiyiniz şəxs var?

    - Bu, çox şəxsi sual oldu.

    - Adətən, azarkeşləriniz tribunalardan sizi necə dəstəkləyirlər və siz onlardan nə eşitmək istərdiniz?

    - Yarış zamanı çalışıram ki, fikrim dağılmasın, düşüncələrimi öz işimə yönəldirəm.

    - Onlara nə demək istərdiniz?

    - Daha çox dəstək olun və gimnastikanı sevin!

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi