Yuxarı
    Bağlamaq

    II Avropa Oyunlarında mindən çox idmançı dopinq nəzarətinə cəlb olunacaq

    Bakı. 11 yanvar. REPORT.AZ/ “Minsk 2019” II Avropa Oyunları zamanı idmançılar və Olimpiya Kəndində yaşayan şəxslər dərmanla pulsuz təchiz ediləcəklər.

    “Report”un “Belta”ya istinadən verdiyi məlumata görə, bu barədə Belarusun səhiyyə nazirinin müavini Dimitri Pineviç mətbuat konfransında bildirib. II Avropa Oyunlarının Əməliyyət Komitəsinin direktoru Georgi Katulin isə deyib ki, tibbi və antidopinq təminatı Oyunlara hazırlığın əsas istiqamətlərindən hesab olunur.

    Yarışlar zamanı Ümumdünya Antidopinq Agentliyinin (WADA) mütəxəssislərinin iş başında olacaqlarını söyləyən G.Katulinin sözlərinə görə, hər 4 idmançıdan birinin dopinq nəzarətinə cəlb edilməsi planlaşdırılır.

    Qeyd edək ki, 21 – 30 iyunda keçiriləcək II Avropa Oyunlarında 50 ölkənin 4 mindən çox idmançısı iştirak edəcək və 15 idman növündə 199 medal dəsti sahibini tapacaq. I Avropa Oyunları 2015-ci ildə Bakıda keçirilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi