Yuxarı

​İrlandiya "Bakı 2015"də 36 idmançı ilə təmsil olunacaq

Onların arasında beş ardıcıl dünya çempionatının titulçusu var

Bakı. 27 aprel. REPORT.AZ/ İrlandiya Olimpiya Komitəsi "Bakı 2015" I Avropa Oyunları zamanı Azərbaycana gələcək 36 idmançının adını açıqlayıb. "Report"un məlumatına görə, həmin idmançılar 10 idman növü üzrə yarışacaqlar.

Onların arasında ən məşhuru boksçu Keti Teylor olacaq. 2012-ci ildə Londonda keçirilmiş Yay Olimpiya Oyunlarında boks üzrə 60 kq çəkidə qızıl medal da daxil olmaqla, 17 qızıl medalı olan Keti Teylor qadınlar arasında boksun tarixində ən çox titulu olan idmançıdır. 28 yaşlı Teylor 5 ardıcıl dünya çempionatı, 6 ardıcıl Avropa çempionatının tituluna və 5 Avropa Birliyi Çempionatının taclarına sahibdir. Teylor həmçinin "Bakı 2015" I Avropa Oyunlarının idman elçisidir.

Olimpiya oyunlarında təcrübəsi olan digər irlandiyalı idmançı 44 yaşlı atıcı Derek Börnettdir. O, 2000-ci ildə son 4 Olimpiya oyunlarında atıcılığın səngər stendi fəndi üzrə yarışlarda iştirak edib.

Badminton oyunçuları Klo Magi ilə Skott Evans Pekin-2008 və London-2012 oyunlarında, triatlon üzrə idmançı Aylin Reyd isə London Olimpiya yarışlarında iştirak ediblər.

Ümumilikdə İrlandiyanı "Bakı 2015"də bu idmançılar təmsil edəcək:

Kamandan oxatma: Sinead Katbert Kunninqam (qadınlar arasında fərdi), Darren Uolleys (kişilər arasında fərdi)

Su idmanı: Rori MkEvoy (50 m, 100 m, 200 m arxa üstə), Mona MkŞarri (50 m, 100 m, 200 m qurbağa, 50 m sərbəst), Reyçel Bethel (50 m, 100 m, 200 m sərbəst), Daniel Hill (50 m, 100 m, 200 m arxa üstə, 50 m kəpənək, 50 m, 200 m sərbəst), Emma Reyd (50 m, 100 m, 200 m kəpənək), Endru Mur (50 m, 100 m, 200 m qurbağa, 200 m, 400 m fərdi ötürmə), Ceyms Braun (50 m, 100 m, 200 m kəpənək, 200 m, 400 m fərdi ötürmə), Bencamin Doyl (50 m, 100 m kəpənək, 200 m, 400 m fərdi ötürmə), Alan Korbi (50 m, 100 m, 200 m arxa üstə, 50 m qurbağa, 100 m kəpənək, 200 m fərdi ötürmə), Niamh Kilgallen (50 m, 100 m, 200 m qurbağa, 50 m kəpənək), Keyt Baquli (400 m, 800 m, 1500 m sərbəst, 400 m fərdi ötürmə), İseult Hayes (50 m, 10 0m arxa üstə, 50 m, 100 m sərbəst), Nataşa MakManus (1 m, 3 m qadınlar arasında suya tullanma)

Badminton: Klo Magi (qadınlar arasında tək, qarışıq cütlüklər), Coş Magi (kişilər arasında cütlüklər), Reyçel Darraq (qadınlar arasında cütlüklər), Sara Boyle (qadınlar arasında cütlüklər), Skott Evans (kişilər arasında tək), Sem Magi (qarışıq cütlüklər, kişilər arasında cütlüklər)

Basketbol 3×3: Niamh Duyer, Qreyn Duyer, Süzan Makuaya, Orla O’Reyli

Qadınlar arasında boks: Keti Teylor (60 kq), Mişel Uolş (54 kq), Keyr Smit (51 kq)

Cüdo: Eoin Fleminq (kişilər arasında 73 kq)

Karate: Karen Dolfin (qadınlar arasında kata)

Atıcılıq: Derek Börnett (Trap fənni üzrə stendə)

Qadınlar arasında triatlon: Ailin Reyd

Kişilər arasında triatlon: Rassell Uayyt, Aaron O’Brien

Kişilər arasında sərbəst güləş: Aleks Dolli (84 kq), Soslan Tuaev (74 kq)

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi