Yuxarı
    Bağlamaq

    ​I Avropa Oyunlarının məşəli Tərtərə gətirilib - FOTO

    Məşəl şəhərin giriş qapısında yerləşən bayraq meydanında qarşılanıb

    Bakı. 12 may. REPORT.AZ/ I Avropa Oyunlarının məşəli Zərdabdan Tərtər rayonuna aparılıb.

    "Report"un məlumatına görə, məşəl Tərtər şəhərinin giriş qapısında yerləşən bayraq meydanında qarşılanıb. Tərtərdə məşəl estafeti saat 17:30-da start götürüb. Məşəli qəbul edən rayon sakini Rafiq Abbasov 10 həmkarı ilə birgə yürüşü davam etdirib. 4km məsafədə rəmzi növbə ilə bir-birinə ötürən atletlər məşəli bayraq meydanından Heydər Əliyev prospekti boyunca Heydər Əliyev meydanına çatdırıblar. Burada qara kəmər ustası Faiq Məmmədov məşəli meydanda qurulan səhnəyə qaldıraraq, simvolik çırağı alovlandırması ilə festival başlayıb. Ardınca Tərtər şəhər sakini Tünarə Məmmədzadə Avropa Oyunlarının sonuna qədər saxlamaq üçün simvolik çırağı təhvil alıb. Tədbir konsert proqramı ilə davam edib.

    Sonda I Avropa Oyunlarının məşəli Yevlax rayonuna yola salınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi