Elnur Amanov: "Daha çox medal qazana bilərdik"

Bakı. 20 iyun. REPORT.AZ/ "Biz birinci Avropa Oyunlarının nəticələrindən çox razıyıq. 3 qızıl, 1 gümüş və 1 bürünc medala sahib olduq. Lakin daha çox medal qazana bilərdik".

"Report"un məlumatına görə, bunu jurnalistlərə açıqlamasında Azərbaycanın taekvondo üzrə böyük məşqçisi Elnur Amanov deyib.

Yarışlar barədə danışan məşqçi bildirib ki, bütün döyüşlər yaddaqalan olub. O qeyd edib ki, I Avropa Oyunlarında Azərbaycan taekvandoçuları 3 dünya çempionuna qalib gəlib.

Gələcək planlarından danışan məşqçi iyunun 29-dan idmançıların məşqlərə başlayacaqlarını söyləyib.