Yuxarı

"Bakı 2015": Azərbaycanın 6 üzgüçüsü "Bakı 2015"də çıxışını başa vurub - YENİLƏNİB

Ümumilikdə 8 dəst medal təqdim olunacaq

Bakı. 24 iyun. REPORT.AZ/ "Bakı 2015" I Avropa Oyunlarında çıxış edən 6 Azərbaycan üzgüçüsü yarışı başa vurub. "Report"un məlumatına görə, 2-si fərdi, 4-ü komanda yarışı olmaqla, növbəti mərhələyə Azərbaycan üzgüçülərindən heç biri vəsiqə qazana bilməyib.

Kişilər arasında 100 metr məsafəyə sərbəst üzmədə iştirak edən Dorian Fazekas 54.34 saniyə ilə 64 iştirakçı arasında 61-ci yerə çıxıb. Eyni növdə yarışan Kamran Cəfərov isə 57.43 saniyə ilə 63-cü olub. Nəticədə onlar növbəti mərhələyə vəsiqə qazana bilməyib.

Qarışıq şəkildə 4x100 metr məsafəyə sərbəst ötürmələrlə üzməkdə Azərbaycan 3 dəqiqə 53.39 saniyə ilə 13 iştirakçı ölkə arasında sonuncu olub. Bu yarışda Dorian Fazekas, Alsu Bayramova, Anna Mançenkova və İvan Andrianov çıxış edib.

***09:32

Bakı. 24 iyun. REPORT.AZ/ "Bakı 2015" I Avropa Oyunlarında üzgüçülük üzrə növbəti 8 dəst medal uğrunda yarışlar gedir. "Report"un məlumatına görə, kişilər arasında 100 metr məsfəyə sərbəst üzmədə Azərbaycanın 2 idmançısı - Kamran Cəfərov və Dorian Fazekas iştirak edəcək.

Qarışıq üsulla 4X100 metr məsafəyə sərbəst üsulla ötüşmə yarışında da Azərbaycan təmsil olunacaq. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi