Yuxarı

Azərbaycan komandası qılıncoynatmanın şpaqa və sablya növü üzrə çıxışı yekunlaşdırıb

Yarışlar komanda şəklində keçirilib

Bakı. 26 iyun. REPORT.AZ/ "Bakı 2015" I Avropa Oyunlarında qılıncoynatmanın şpaqa növündə iştirak edən Azərbaycanın kişilərdən, sablya növündə isə qadınlardan ibarət komandası çıxışını başa vurub.

"Report"un xəbərinə görə, heyətdə Azər Tağıyev, Cavanşir Səfərov və Cavanşir Ağakişiyevin yer aldığı təşkilatçı ölkə komandası 1/4 finalda Rusiyaya 18:45 hesabı ilə məğlub olub. 5-ci və 6-cı pillə uğrunda mübarizədə isə Azərbaycan qılıncoynadanları Macarıstana uduzub - 19:45. Nəticədə Azərbaycanın qılıncoynadanları komanda yarışında 6 iştirakçı arasında sonuncu olub.

Qadınların sablya növündə komanda yarışlarında da eyni nəticə qeydə alınıb. 1/4 finalda Rusiyaya 19:45 uduzan Azərbaycan qılıncoynadanları 5-ci yer uğrunda mübarizədə Macarıstanla bacara bilməyib - 25:45.

*** 09:28

Bakı. 26 iyun. REPORT.AZ/ "Bakı 2015" I Avropa Oyunlarında qılıncoynatma yarışları davam edir. "Report"un məlumatına görə, bu gün komandalar şəklində yarışlar keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi