Yuxarı
    Bağlamaq

    "Bakı 2015"in Afrikanın 25 ölkəsində yayımını nəzərdə tutan müqavilə bağlanılıb

    Avropadan kənarda Oyunların yayımlanacağı ölkələrin sayı 75-ə çatıb

    Bakı. 5 iyun. REPORT.AZ/ "Bakı 2015" I Avropa Oyunlarının “Fox Sport Afrika” teleyayım şirkəti ilə yayımına dair müqavilə imzalanıb. "Report"un məlumatına görə, bununla da Afrika qitəsində "Bakı 2015"i yayımlayacaq ölkələrin sayı 25-ə çatıb. 

    Ərəb dövlətləri yayım birliyi ilə ötən ilin oktyabrında imzalanmış müqavilə Şimali Afrika və Yaxın Şərq ölkələrində idman azarkeşlərinin I Avropa Oyunlarını izləməsinə imkan verir. Bu gün imzalanan saziş isə Oyunların Afrika qitəsinin daha böyük hissəsinə yayımlanmasına təkan verəcək. Kabel televiziyası olan “Fox Sport Afrika” yarışları, eləcə də Açılış və Bağlanış mərasimlərini "Fox Sport" və "Fox Sport-2" kanalları ilə ingilis və fransız dillərində yayımlayacaq.

    Qeyd edək ki, bu müqavilədən sonra Avropadan kənarda Oyunların yayımlanacağı ölkələrin sayı 75-ə çatıb. Bu da qeyri-Avropa ölkələrində 579 milyon evdə yarışların izlənməsinə şərait yaradacaq.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi