Yuxarı

Azərbaycanın kişilərdən ibarət voleybol yığması Serbiyaya məğlub olub - VİDEO

Komandalar A qrupunda mübarizə aparır

Bakı. 17 İyun. REPORT.AZ/ Ötən gün "Bakı 2015" I Avropa Oyunlarında çıxış edən Azərbaycanın kişi voleybolçulardan ibarət yığma komandası "A" qrupunda növbəti oyununu keçirib.

"Report" xəbər verir ki, millinin rəqibi Serbiya komandası olub. Gərgin mübarizə şəraitində keçən qarşılaşma serblərin 3:0 hesablı qələbəsi ilə başa çatıb. Beləliklə Azərbaycan millisi ardıcıl ikinci görüşünü məğlubiyyətlə başa vurmuş olub.

Azərbaycan voleybolçuları qrup mərhələsində ilk görüşlərini Finlandiya millisinə qarşı keçiriblər və sonda 2:3 hesabı ilə məğlub olublar.

"A" qrupunda Azərbaycanla yanaşı Fransa, Polşa, Finlandiya, Serbiya və Türkiyə yığmaları növbəti mərhələyə çıxmaq uğrunda mübarizə aparır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi