Avropa Oyunlarının bağlanış mərasimində Azərbaycan komandasının bayraqdarı müəyyənləşib

"Minsk 2019" II Avropa Oyunlarının bağlanış mərasimində Azərbaycan komandasının bayraqdarı müəyyənləşib.

Bu barədə "Report"un Belarus paytaxtına ezam olunmuş əməkdaşına gənclər və idman naziri Azad Rəhimov məlumat verib.

Onun sözlərinə görə, bugünkü tədbirdə iştirakçı ölkələrin keçidi zamanı bayrağı karateçi Asiman Qurbanlı daşıyacaq. Qurbanlı ötən gün 84 kq-dan yuxarı çəki dərəcəsində qızıl medal qazanıb. Azərbaycan isə Oyunları 5 qızıl, 10 gümüş, 13 bürünc medalla başa vurub.