​Aİ səfiri: "Bakıda keçirilən I Avropa oyunları əsl idman festivalı olacaq"

Bakı. 6 may. REPORT.AZ/ Bakıda keçirilən I Avropa oyunları əsl idman festivalı olacaq. "Report" xəbər verir ki, bu barədə jurnalistlərə Aİ-nin Azərbaycandakı nümayəndəliyinin rəhbəri Malena Mard iyunun 12-dən 28-dək Bakıda keçiriləcək I Avropa oyunlarını şərh edərkən bildirib.

Səfir qeyd edib ki, 6 mindən artıq avropalı idmançı bu oyunlarda iştirak edəcək və bütün dünyada bu tədbirin başlanması səbirsizliklə gözlənilir.

Onun fikrincə, bu möhtəşəm idman tədbiri "Azərbaycana özünü təqdim etmək imkanı verəcək".