Yuxarı

Kriştianu Ronaldu Fransa ilə final matçında zədələnərək, oyunu vaxtından əvvəl tərk edib - VİDEO

Portuqaliya millisinin kapitanı oyunu yarımçıq tərk edib

Bakı. 10 iyul. REPORT.AZ/ Portuqaliya milli komandasının kapitanı Kriştianu Ronaldu Fransa yığması ilə futbol üzrə Avropa çempionatının final matçında zədələnib. "Report"un məlumatına görə, 29 yaşlı hücumçu görüşün əvvəlində rəqib yarımmüdafiəçi Dimitri Payetlə toqquşma nəticəsində xəsarət alıb. 

O, meydana dönsə də, bir neçə dəqiqədən sonra yenidən tibbi yardıma ehtiyac duyub. Ronaldunun gözləri yaşarıb, amma oyunu sol dizi sarğıda davam etdirib. Lakin daha bir neçə dəqiqə sonra ulduz futbolçu əvəzlənməsini xahiş edib və kapitan sarğısını Luiş Naniyə verib. 25-ci dəqiqədə onun əvəzinə meydana Rikardu Kuarejma çıxıb. 

Qeyd edək ki, hazırda hesab açılmayıb - 0:0. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi