Yuxarı
    Bağlamaq

    Vatikanın “Milan Expo-2015” sərgisindəki pavilyonu qaçqınlar üçün 150 min avro vəsait toplayıb

    Bu barədə Vatikanın mədəniyyət üzrə pontifik şurasının sədri kardinal Canfranko Ravazi məlumat verib

    Bakı. 8 noyabr. REPORT.AZ/ Vatikanın “Milan Expo-2015” beynəlxalq sərgisindəki pavilyonu İordaniyada məskunlaşmış qaçqınlar üçün ziyarətçilərdən 150 min avro vəsait toplayıb. Toplanan vəsait Roma Papası Fransisk tərəfindən yaradılmış xüsusi fonda bağışlanıb.

    Bu barədə Vatikanın mədəniyyət üzrə pontifik şurasının sədri kardinal Canfranko Ravazi məlumat verib.

    Vatikan rəsmisi Müqəddəs Taxt-Tacın pavilyonuna gələn ziyarətçilərin kiçik yardımları ilə evsiz və yardıma ehtiyacı olan insanlara dəstək verilməsini önəmli təşəbbüs kimi dəyərləndirib. O deyib: “Pavilyonumuzun əsas mövzusu dünyada hökm sürən aclıq idi. Bu baxımdan ziyarətçilər bu məkana böyük maraq göstərirdilər”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi