Türkiyə pomidorlarının ilk partiyası Rusiyaya göndərilib

Bakı. 10 noyabr. REPORT.AZ/ Məhdudiyyətlərin aradan qaldırılmasından sonra Türkiyə pomidorlarının ilk partiyası Rusiyaya göndərilib.

"Report" "Anadolu" agentliyinə istinadən xəbər verir ki, ilk partiyanı "Agrobay Seracılık" şirkəti ixrac edib.

Şirkətin İdarə Heyətinin üzvü Arzu Şəntürkün sözlərinə görə, onlar bu il üçün Rusiya ilə 5 min ton pomidorun ixracına dair müqavilə bağlayıblar. İlk partiya pomidor isə Sankt-Peterburq şəhərinə göndərilib.

Qeyd edək ki, Rusiya noyabr ayının 1-dən etibarən Türkiyəyə 50 min ton pomidor ixracına icazə verib. Rusiya Kənd Təsərrüfatı Nazirliyi Türkiyədən pomidor idxalı üçün hələ ki, "Özaltın", "Agrobay" və Sural" şirkətlərinə qoyulan məhdudiyyəti ləğv edib.