Yuxarı
    Bağlamaq

    ​Rusiyadan Azərbaycana tədarük olunan kənd təsərrüfatı texnikası üç dəfə artıb

    İxracın artmasının əsas səbəblərindən biri rublun devalvasiya olması ilə bağlıdır

    Bakı. 22 iyul. REPORT.AZ/ Bu ilin yanvar-iyun aylarında Rusiyadan Azərbaycana ixrac olunan kənd təsərrüfatı texnikasının həcmi üç dəfə artıb. "Report" xəbər verir ki, bu barədə Rusiyanın "Rosaqromaş" şirkətinin bu ilin birinci yarısına dair açıqladığı hesabatda bildirilir. Eyni dövrdə Azərbaycanla yanaşı Almaniya, Fransa, Bolqarıstan, Türkiyə və Kanadaya da tədarük edilən kənd təsərrüfatı texnikası eyni həcmdə artıb.

    "Rosaqromaş"ın direktoru Yevqeni Korçevoy qeyd edib ki, Qazaxıstan, Monqolustan və Tacikistanda tələbat iki dəfə, Qırğızıstan və Macarıstanda 30% artıb.

    "2015-ci ilin birinci yarısında kənd təsərrüfatı texnikasının ixracı 2,3 min vahid artıb, istehsalçıların mədaxili iki dəfə, yəni 3,8 mlrd. rubla kimi artıb. Bu, son beş ildə rekord göstərici hesab olunur. Əsas satış bazarlarının payına ixracın 77% - Qazaxıstan, Avropa Birliyi və Kanada düşüb. Ümumiyyətlə, dünya bazarı təxminən 5%, xüsusən də AB və ABŞ-da tələbatın aşağı düşməsi fonunda azalıb. İxracın artmasının əsas səbəblərindən biri rublun devalvasiya olması ilə bağlıdır", - Y. Korçevoy bildirib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi