Yuxarı
    Bağlamaq

    ​Ötən il Naxçıvan Muxtar Respublikasının xarici ticarət dövriyyəsi 3,1% artıb

    Ümumilikdə 56 xarici dövlətlə ticarət əməliyyatları aparılıb

    Bakı. 21 fevral. REPORT.AZ/ Ötən il Naxçıvan Muxtar Respublikasının (NMR) xarici ticarət dövriyyəsi 2013-cü illə müqayisədə 3,1% artaraq 517 milyon 427 min ABŞ dolları səviyyəsinə çatıb.

    "Report"un Dövlət Gömrük Xidmətinə istinadən verdiyi məlumata görə, bu barədə NMR Dövlət Gömrük Komitəsinin sədri, gömrük xidməti general-leytenantı Asəf Məmmədov Komitədə 2014-cü ilin yekunları və qarşıda duran vəzifələrə həsr olunmuş kollegiya iclasında bildirib.

    Onun sözlərinə görə, ümumilikdə, 56 xarici dövlətlə ticarət əməliyyatları aparılıb: "2013-cü illə müqayisədə ixracın həcmi 2% artdığı halda, idxalın həcmi 1% azalıb. İxracın 23%-ni sənaye, 77%-ni kənd təsərrüfatı məhsulları, idxalın 40%-ni sənaye məhsulları, 34%-ni nəqliyyat vasitələri və onların hissələri, 16%-ni ərzaq məhsulları, 1%-ni tikinti materialları, 9%-ni isə digər mallar təşkil edib". 

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi