Yuxarı
    Bağlamaq

    Oktyabrın 1-dən 30-dək Bakıda növbəti bal yarmarkası keçiriləcək

    Yarmarkada iştirak etmək istəyən arıçılar məhsullarını sentyabrın 25-dək  anbara təhvil verməlidir

    Bakı. 10 sentyabr.REPORT.AZ/ Bakı şəhərində növbəti bal yarmarkası oktyabrın 1-dən 30-dək keçiriləcək. Kənd Təsərrüfatı Nazirliyinin təşəbbüsü ilə təşkil olunan bu, arıçılıq sərgi-satış yarmarkası paytaxtda Nizami küçəsi, 92 ünvanında keçiriləcək.

    Nazirlikdən "Report"a verilən məlumata görə, yarmarkanın açılış mərasimi oktyabrın 1-də olacaq. Yarmarkada iştirak etmək istəyən arıçılar məhsullarını sentyabrın 10-dan 25-dək müəyyən sənədlərlə birlikdə mühafizə olunan anbara təhvil verməlidir. Anbar "28 May" metro stansiyasının yaxınlığında, keçmiş Bakı Ayaqqabı Fabrikinin binasında yerləşir.

    Qeyd edək ki, yarmarkada məhsulların satış qiymətləri sərbəst olacaq.

    Eyni zamanda, sentyabrın 29-da arıçılığa həsr edilmiş seminarın keçirilməsi nəzərdə tutulur və seminarın sonunda şəffaflığın təmin edilməsi məqsədi ilə yerlərin püşkatması keçiriləcək. Püşkatmada bütün arıçıların iştirakı arzu olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi