Yuxarı
    Bağlamaq

    ​Noyabrda Ceyhan limanından dünya bazarına 1,8 mln. ton Azərbaycan nefti çıxarılıb

    BTC kəməri istismara veriləndən sonra Ceyhan limanından 259,6 mln. ton Azərbaycan nefti dünya bazarına yola salınıb

    Bakı. 5 dekabr. REPORT.AZ/ Bu ilin noyabr ayında Ceyhan limanından (Aralıq dənizi, Türkiyə) dünya bazarlarına 1 847 434 ton Azərbaycan nefti çıxarılıb ki, bu da ötən ilin müvafiq dövrü ilə müqayisədə 31,9% azdır. Bu barədə "Report"a Azərbaycan Dövlət Neft Şirkətinin (SOCAR) mətbuat xidmətindən məlumat verilib.

    Məlumata görə, bu həcmin 1 012 476 tonunu Azərbaycan Dövlət Neft Fondunun nefti təşkil edib. Bu isə ötən ilin noyabrına nisbətən 44,7% azdır.

    Cari ilin yanvar-noyabr aylarında isə Ceyhan limanından ixrac olunmuş neftin həcmi ötən ilin müvafiq dövründən 2,3% az (26 442 278 ton) olub.

    Ümumiyyətlə, Bakı-Tbilisi-Ceyhan boru kəməri istismara verilən gündən 2014-cü il dekabrın 1-nə qədər Ceyhan limanından 259 586 192 ton Azərbaycan nefti dünya bazarına yola salınıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi