Yuxarı
    Bağlamaq

    Moldovanın sabiq baş nazirinin həbs müddəti uzadılıb

    Ötən ilin oktyabr ayında həbs olunan Vladimir Filat həbsxanada daha 90 gün keçirəcək

    Bakı. 5 yanvar. REPORT.AZ/ Korrupsiya əməllərində ittiham olunan Moldovanın sabiq baş naziri, Liberal-Demokrat Partiyasının sədri Vladimir Filatın həbs müddəti yenidən uzadılıb.

    "Report"un "TASS" agentliyinə istinadən verdiyi xəbərə görə, ötən ilin oktyabr ayında həbs olunan Filat həbsxanada daha 90 gün keçirəcək.

    Prokuror Adriana Betsişor bildirib ki, sabiq hökümət başçısı azadlığa buraxılsa istintaq prosesinə təsir edə bilər.

    Moldova Baş prokurorluğu Vladimir Filatın maliyyə-bank sistemindən 1 mlrd dollaradək vəsaitin mənimsəməsində təqsirli olduğunu iddia edir.

    Qeyd edək ki, bundan əvvəl müxalifətin etirazları fonunda parlament Filatın deputat toxunulmazlığını ləğv edib.

    İttihamın sübuta yetiriləcəyi təqdirdə Vladimir Filat 15 il həbs cəzasına məhkum ediləcək.   

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi