Yuxarı

Kənd Təsərrüfatı Nazirliyində Avropa İttifaqı ilə birgə rəhbər komitəsinin ilk iclası keçirilib

Görüşdə nazirliyin tələbləri və gözlənilən nəticələr müzakirə edilib

Bakı. 10 dekabr. REPORT.AZ/ Kənd Təsərrüfatı Nazirliyində Avropa İttifaqı tərəfindən maliyyələşdirilən “Elektron kənd təsərrüfatı komponentinin icrası və prosedurların həyata keçirilməsi zamanı benefisiara dəstəyin verilməsini nəzərdə tutan texniki yardım Layihəsi"nin rəhbər komitəsinin ilk iclası keçirilib.

"Report" xəbər verir ki, Kənd Təsərrüfatı Nazirliyi Aparatının rəhbəri İlham Bayramovun sədrliyi ilə keçirilən iclasda Aİ-nin Azərbaycandakı nümayəndəsi Olaf Heydelbax, Nazirliyin aidiyyəti şöbələrinin məsul vəzifəli şəxləri, həmçinin layihənin icrası üzrə məsul olan Vialto Konsorsiumun üzvləri iştirak ediblər.

Layihənin icrası ilə bağlı nazirliyin tələbləri və gözlənilən nəticələr, eləcə də həlli vacib məsələlər və qarşıya qoyulmuş məqsədlər barədə geniş məlumat verilib və müzakirələr aparılıb.

Bundan sonra, layihə rəhbəri Pavel Tojaçekin təqdimatında layihənin ilkin hesabatı rəhbər komitənin diqqətinə çatdırılıb. İlkin hesabat çərçivəsində layihənin icra qrafiki və əhatə dairəsi, o cümlədən nəzərdə tutulan fəaliyyətlər və mövcud vəziyyət barədə ətraflı məlumat verilib.

Təqdimatdan sonra qeyd olunan məsələlərə dair geniş fikir mübadiləsi aparılıb. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi