Yuxarı

İqtisadiyyat Nazirliyində şərabçılıq müəssisələri ilə müzakirələr aparılıb

Müzakirədə şərabçılıq sahəsində fəaliyyət göstərən 15-dən artıq müəssisənin nümayəndələri iştirak ediblər

Bakı. 19 yanvar. REPORT.AZ/ Bu gün Azərbaycanda biznes mühitinin yaxşılaşdırılması istiqamətində əlavə tədbirlərin görülməsi üçün təkliflərin hazırlanmasında biznes ictimaiyyətinin fikirlərinin nəzərə alınması məqsədi ilə İqtisadiyyat Nazirliyində müzakirə keçirilib.

“Report” İqtisadiyyat Nazirliyinə istinadən xəbər verir ki, şərabçılıq sahəsində fəaliyyət göstərən 15-dən artıq müəssisənin nümayəndələrinin iştirak etdiyi görüşdə kənd təsərrüfatının, o cümlədən üzümçülüyün inkişafı istiqamətində həyata keçirilən tədbirlərin dəstəkləndiyi vurğulanıb.

Görüşdə şərabçılıq məhsullarına olan tələbatın tamamilə yerli istehsal hesabına təmin edilməsi və ixrac potensialının daha da artırılması üçün dəstək mexanizmlərinin gücləndirilməsi imkanları barədə müzakirələr aparılıb.

Müəssisələrin nümayəndələri istehsal etdikləri məhsulların maya dəyərinə təsir edən əsas amillər - istifadə olunan xammalın, xüsusilə istehsal prosesində istifadə olunan, lakin ölkədə istehsal edilməyən lazımi məhsulların yerli istehsalının dəstəklənməsi, emal müəssisələrinin yaradılmasının stimullaşdırılması və s. barədə təkliflərini deyiblər.

Tədbirdə səsləndirilən təkliflərin həyata keçirilməsi imkanlarının araşdırılacağı bildirilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi