İnam Kərimovun Yevlaxda sakinlərlə görüşünün tarixi dəyişdirilib

Bakı. 17 may. REPORT.AZ/ Azərbaycan kənd təsərrüfatı naziri İnam Kərimovun Yevlax rayonunda Goranboy, Yevlax, Göygöl, Samux və Daşkəsən rayonlarının sakinləri ilə nəzərdə tutulan görüşünün tarixi dəyişdirilərək may ayının 23-nə keçirilib.

Nazirlikdən "Report"a verilən məlumata görə, görüşdə iştirak etmək istəyənlər Yevlax Rayon Kənd Təsərrüfatı İdarəsinə (050-435-06-06) müraciət edə bilərlər.

Qəbula yazılmaq üçün, həmçinin Kənd Təsərrüfatı Nazirliyinin “Çağrı mərkəzi” (1652) və elektron poçtu ([email protected]) vasitəsi ilə də qeydiyyatdan keçmək olar.