İnam Kərimov Bordo şəhərinin meri və Jirond Departamentinin senatoru ilə görüşüb

Fransada səfərdə olan Azərbaycan Respublikasının kənd təsərrüfatı naziri İnam Kərimov bu ölkənin Bordo şəhərinin meri Nikola Florian və Jirond Departamentindən seçilən senator Natali Delatr ilə görüşüb.

"Report"un Fransa bürosu xəbər ki, görüşdə tərəflər kənd təsərrüfatı sahəsinə dair əməkdaşlıq perspektivlərini müzakirə ediblər.

Bundan əvvəl kənd təsərrüfatı naziri İnam Kərimovun rəhbərlik etdiyi nümayəndə heyəti Fransanın Overn-Ron-Alp regionunun Klermon-Ferran şəhərində “Sommet de l’elevage” (“Heyvandarlıq zirvəsi”) adlı beynəlxalq heyvandarlıq sərgisinin açılışında iştirak edib.