Yuxarı
    Bağlamaq

    ​Genetik Ehtiyatlar İnstitutu Dövlət Aqrar Universiteti üçün kadr hazırlayacaq

    Bu məqsədlə tərəflər arasında müqavilə imzalanıb

    Bakı. 19 iyun. REPORT.AZ/ Bu gün Azərbaycan Dövlət Aqrar Universitetində (ADAU) Azərbaycan Milli Elmlər Akademiyasının Genetik Ehtiyatlar İnstitutu ilə əməkdaşlıq müqaviləsi imzalanıb. 

    ADAU-dan "Report"a bildirilib ki, müqavilədə kadr hazırlığı və elmi-tədqiqat sahəsində əməkdaşlıq məqsədilə Genetik Ehtiyatlar İnstitutunun nəzdində universitetin “Baza kafedrası”nın yaradılması nəzərdə tutulub. Kafedranın məqsədi ADAU-da tədris prosesinin elmi tədqiqatlarla əlaqələndirilməsi, elm və təhsilin istehsalatla inteqrasiyasının gücləndirilməsi, tələbə və magistrantlarda tədqiqatçılıq və peşə fəaliyyəti üçün zəruri olan praktik bilik, bacarıq və vərdişlərin formalaşdırılması, “Genetika”, “Biotexnologiya”, “Virusologiya”, “Seleksiya və toxumçuluq”, “Tərəvəzçilik” və “Meyvəçilik” elmləri sahəsində elmi yeniliklərin və innovasiyaların tədris prosesinə cəlb edilməsi, birgə elmi tədqiqatların aparılması, universitet və institut arasında elmi-tədqiqat və kadr hazırlığı sahəsində əməkdaşlığın yaradılması və inkişaf etdirilməsindən ibarətdir.

    Müqaviləni ADAU-nun rektoru, AMEA-nın müxbir üzvü, professor İbrahim Cəfərov və AMEA-nın Genetik Ehtiyatlar İnstitutunun direktoru, AMEA-nın müxbir üzvü, aqrar elmlər doktoru Zeynal Əkbərov imzalayıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi