Bakı. 30 oktyabr. REPORT.AZ/ “BMT-nin Ərzaq və Kənd Təsərrüfatı Təşkilatı (FAO) yaxın aylarda Azərbaycan, Türkiyə və Orta Asiya ölkələrini əhatə edəcək regional layihənin icrasına başlayacaq".
Bunu “Report”a açıqlamasında FAO-nun Azərbaycandakı nümayəndəliyinin rəhbəri Mələk Çakmak deyib.
Onun sözlərinə görə, büdcəsi 8 mln. ABŞ dolları olan layihə pestisitlərlə bağlıdır.
"Bu layihədə Kənd Təsərrüfatı Nazirliyi, eləcə də Ekologiya və Təbii Sərvətlər Nazirliyi tərəfdaşlarımız olacaq. Bununla bağlı Azərbaycan və Türkiyədə imzalanma mərasimləri olub. Hələlik bu ölkələrdə həyata keçirəcəyik, tədricən Orta Asiya ölkələrini də cəlb edəcəyik", - deyə o qeyd edib.