Yuxarı

​Dövlət Xidməti: Azərbaycanda icbari sığorta haqları artırılmayacaq

Namiq Xəlilov: Sığorta şirkətlərinin problemi işin aparılması ilə bağlıdır

Bakı. 2 iyul. REPORT.AZ/ Azərbaycanda tətbiq olunan icbari sığorta haqlarının yaxın vaxtlarda artırılması gözlənilmir. "Report"un verdiyi xəbərə görə, bunu Maliyyə Nazirliyi Dövlət Sığorta Nəzarəti Xidmətinin rəisi Namiq Xəlilov bildirib: "Çünki bunun üçün heç bir iqtisadi əsası yoxdur".

"Bu məsələ o vaxt müzakirə oluna bilər ki, həmin sığorta növü sığortaçılara zərər gətirsin. Hazırda isə belə bir problem yoxdur", - deyə N.Xəlilov qeyd edib.

Dövlət Xidmətinin rəisi əlavə edib ki, əgər bu gün Azərbaycanın icbari sığorta sahəsində problem varsa, bu da zərərlə bağlı deyil: "Sığorta şirkətləri üçün problem işin aparılması, xərclərinin yüksək olmasındadır. Bu gün sığorta şirkətləri o barədə düşünməlidir".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi