Yuxarı
    Bağlamaq

    Bu il Azərbaycanda gübrə istehsalı zavodu istifadəyə veriləcək

    Bakıda Kənd təsərrüfatının perspektiv sahələrinin inkişafı üzrə Türkiyə-Azərbaycan təcrübəsi mövzusunda konfrans keçirilir

    Bakı. 29 yanvar. REPORT.AZ/ "Azərbaycan dövlət başçısı İlham Əliyev qeyri-neft məhsullarının ixracının stimullaşdırılması ilə bağlı sərəncam imzalayıb. Sənəddə kənd təsərrüfatı və emalı məhsullarına ixracla bağlı geri ödəmə dəstəklərinin verilməsi mexanizmi, habelə xarici ölkələrə ixrac missiyalarının təşkil edilməsinə, xarici bazarların araşdırılması və marketinq fəaliyyətinə, “Made in Azerbaijan” brendinin xarici bazarlarda təşviqinə, yerli şirkətlərin ixracla bağlı xarici ölkələrdə sertifikat və patentlərin alınmasına, ixracla əlaqəli tədqiqat-inkişaf proqramın hazırlanması nəzərdə tutulub. Bu məqsədlə, həmçinin subsidiyaların ayrılması nəzərdə tutulur". 

    "Report" xəbər verir ki, bunu Bakıda keçirilən "Kənd təsərrüfatının perspektiv sahələrinin inkişafı üzrə Türkiyə-Azərbaycan təcrübəsi" mövzusunda əməkdaşlıq konfransında çıxışı zamanı Prezident Administrasiyasının aqrar siyasət şöbəsinin müdiri Azər Əmiraslanov bildirib. 

    Ölkədə aqrar sektorda aparılan islahatların tarixindən bəhs edən şöbə müdiri yeni iqtisadi mühitdə aqrar sektorun daha uzunmüddətli relslərə keçməsinin vacib olduğunu deyib. 

    A.Əmiraslanov deyib ki, aqrar sektor ölkənin qeyri-neft sektorunun inkişafında prioritet sahələrdən biridir: "Neft gəlirlərinin azalması fonunda valyutanın daxil olmasında kənd təsərrüfatı önəmli rol oynayır. Bizim aqrar sektorla bağlı niyyətimiz dayanıqlı və davamlı inkişafa nail olmaqdır".

    Şöbə müdiri Azərbaycanda fermerlərə verilən güzəştlərdən ətraflı danışıb və bildirib ki, ölkədə gübrə zavodunun fəaliyyət göstərməsi də zəruridir. O, deyib ki, 2011-ci ildə təməli qoyulan gübrə istehsalı zavodunun ilin sonunda istifadəyə verilməsi gözlənilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi