Yuxarı
    Bağlamaq

    Barama istehsalçılarına subsidiyanın ödənilməsinə başlanılıb

    Ümumilikdə 239,7 min manat məbləğində subsidiyanın verilməsinə dair qərar qəbul edilib

    Bakı. 21 iyul. REPORT.AZ/ Bu gün barama istehsalçılarına barama emalı və ipək istehsalı müəssisələrinə təhvil verdikləri yaş baramanın (əyrilən və karapaçax barama istisna olmaqla) hər kiloqramına görə 5 manat məbləğində subsidiya verilməsinə dair Respublika Komissiyasının iclası keçirilib.

    Kənd Təsərrüfatı Nazirliyindən "Report"a daxil olan məlumata görə, komissiyanın iclasında barama istehsalçılarına subsidiyanın verilməsi ilə əlaqədar 9 rayon (şəhər) kənd təsərrüfatı idarəsinin təqdim etdiyi sənədlərə baxılıb və 488 barama istehsalçısına barama emalı və ipək istehsalı müəssisələrinə təhvil verdikləri 47 944,51 kq yaş baramanın hər kiloqramına görə 5 manat hesabı ilə dövlət büdcəsinin vəsaiti hesabına ümumilikdə 239 722,55 manat məbləğində subsidiyanın verilməsinə dair qərar qəbul edilib.

    Digər rayonlardan sənədlər Respublika Komissiyasına təqdim edildikdən sonra barama istehsalçılarına barama emalı və ipək istehsalı müəssisələrinə təhvil verdikləri yaş baramanın miqdarına görə subsidiyanın verilməsi məsələsinə Komissiyanın iclasında qısa müddətdə baxılacaq.

    Barama istehsalçılarına subsidiyanın ödənilməsi məqsədilə müvafiq sənədlər Maliyyə Nazirliyinə, “Kapital Bank” ASC-yə və aidiyyəti rayon (şəhər) kənd təsərrüfatı idarələrinə göndərilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi