Yuxarı
    Bağlamaq

    Bakıda bayram yarmarkası keçiriləcək

    Novruz bayramı ərəfsində Bakı şəhərində keçiriləcək yarmarkaların ünvanları açıqlanıb

    Bakı. 12 mart. REPORT.AZ/ Martın 14-19-da Bakı şəhərinin bəzi ərazilərində kənd təsərrüfatı məhsullarının satış yarmarkaları keçiriləcək. Kənd Təsərrüfatı Nazirliyindən "Report"a verilən məlumata görə, yarmarkanın keçirilməsinə məqsəd Novruz bayramı ilə əlaqədar paytaxt əhalisinin kənd təsərrüfatı və ərzaq məhsullarına artan tələbatının daha dolğun ödənilməsi, istehlakçıların seçim imkanlarının artırılması, süni qiymət artımı və möhtəkirliyin qarşısının alınmasıdır.

    Nazirlik, yarmarkaları Xətai rayonunda Ukrayna dairəsi və "Bakı" kinoteatrının yanında, Nəsimi rayonunda S.Vurğun küçəsi, 73 ünvanındakı "Təzə Bazar"ın ərazisində, Yasamal rayonunda Akim Abbasov küçəsindəki İran klinikasının yanında, Nərimanov rayonunda "Gənclik" metrosunun yanında, Səbail rayonunda Badamdar qəsəbəsindəki Seyran Məmmədov küçəsi,1 ünvanında yerləşən məktəbin arxasında, Suraxanı rayonunda Qaraçuxur qəsəbəsindəki Əhməd Mehbalıyev, 2 ünvanındakı “Vətən Şəhidləri Unudulmur” abidələr kompleksinin və ya hərbi hissənin yanında, həmçinin Əmircan qəsəbəsi, S.Bəhlulzadə küçəsi, 12 ünvanında, Binəqədi rayonunda Dərnəgül qəsəbəsi Koroğlu Rəhimov küçəsi, 53 ünvanında "Elit" Ticarət Mərkəzinin yaxınlığında keçirəcək.

    Bayram günlərində Bakı şəhərinin digər yerlərində də yarmarkaların keçirilməsi nəzərdə tutulduğu deyilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi