Bakı. 14 dekabr. REPORT.AZ/ Kənd Təsərrüfatı Layihələri və Kreditlərinin İdarə Edilməsi üzrə Dövlət Xidməti gələn həftədən Aqrar Məşğulluğun Artırılması Layihəsi (AMAL) ilə bağlı ölkənin regionlarında görüşlərin keçirilməsinə başlayacaq.
Bu barədə “Report”a açıqlamasında qurumun rəisi Mirzə Əliyev bildirib.
Onun sözlərinə görə, ilk görüşlər İsmayıllı və Şamaxı rayonlarında olacaq: “İlin sonuna qədər daha 2-3 rayonda görüşlər keçirəcəyik”.
O, layihənin maliyyələşdirilməsi ilə bağlı problem olmayacağını da qeyd edib.
Xatırladaq ki, AMAL-ın təqdimatı bu ilin oktyabr ayında keçirilib. 2020-ci ilin sonuna qədər bu layihəyə 2 mln. manata qədər vəsaitin xərclənəcəyi bildirilir.