Yuxarı

Azərbaycanın kənd təsərrüfatı naziri Fransaya səfər edəcək

Heydər Əsədov Parisdə keçiriləcək beynəlxalq sərgi və konfransda iştirak edəcək

Bakı. 18 fevral. REPORT.AZ/ Azərbaycanın kənd təsərrüfatı naziri Heydər Əsədovun rəhbərlik etdiyi nümayəndə heyəti sabah Parisə (Fransa) işgüzar səfərə gedəcək.

"Report” Kənd Təsərrüfatı Nazirliyinə istinadən xəbər verir ki, nümayəndə heyəti Parisdə keçiriləcək 52-ci Beynəlxalq Kənd Təsərrüfatı Sərgisində və sərgi çərçivəsində “İqlim dəyişiklikləri şəraitində kənd təsərrüfatı” mövzusunda təşkil olunacaq konfransda iştirak etmək məqsədilə fevralın 19-22-dək Fransada olacaq.

Qeyd edək ki, səfər zamanı H.Əsədovun Parisdə yerləşən kənd təsərrüfatı üzrə müxtəlif beynəlxalq təşkilatların rəhbərləri ilə görüşləri də nəzərdə tutulub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi