Azərbaycanda ipəkçiliyin inkişafına dair müzakirələr aparılır

Bakı. 12 fevral. REPORT.AZ/ Bu gün baş nazirin müavini Abid Şərifov Azərbaycan Sahibkarlar (İşəgötürənlər) Təşkilatları Milli Konfederasiyasının (ASK) sədri Məmməd Musayevi qəbul edib. Bu barədə "Report"a ASK-nın sədri özü məlumat verib.

M.Musayevin sözlərinə görə, görüşdə Azərbaycanda ipəkçiliyin inkişaf etdirilməsi ilə bağlı müzakirələr aparılıb: "Baş nazirin müavini Abid Şərifovla Azərbaycanda ipəkçilik sənayesinin inkişaf perspektivlərini müzakirə etdik. Düşünürəm ki, bu sahənin inkişafı üçün çox böyük imkanlar var. Bu sahədə Hindistanla da əməkdaşlıq etməkdə maraqlıyıq".