Yuxarı

​Azərbaycanda dörd kənd təsərrüfatı müəssisəsi birləşdirilib

Həmin cəmiyyətlərin bazasında vahid şirkət yaradılıb

Bakı. 3 fevral. REPORT.AZ/ Abşeron rayonundakı "Güzdək" MMC - qoyunçuluq üzrə damazlıq dövlət kənd təsərrüfatı istehsalı müəssisəsi , S.Əliyev adına Südlük-maldarlıq üzrə damazlıq dövlət kənd təsərrüfatı istehsalı müəssisəsi, "Qobu" MMC - dəvəçilik üzrə damazlıq dövlət kənd təsərrüfatı istehsalı müəssisəsi, habelə Abşeron rayon Meyvə Tingliyi üzrə dövlət kənd təsərrüfatı istehsalı müəssisəsi birləşdirilib. Vergilər Nazirliyindən "Report"a daxil olan xəbərə görə, birləşdirilən müəssisələrin bazasında Kənd Təsərrüfatı Nazirliyinin "Abşeron Kənd Təsərrüfatı İstehsalat Müəssisəsi" MMC yaradılıb.

Bununla əlaqədar olaraq yuxarıda qeyd edilən MMC-lərin kreditor borcları və digər hüquqi və fiziki şəxslərə olan borcları barədə Kənd Təsərrüfatı Nazirliyində yaradılmış Ləvğetmə Komissiyasına (Bakı şəhəri, Səbail rayonu, Üzeyir Hacıbəyov küçəsi,40) iki ay ərzində müraciət etmək olar. Əlaqə telefonları: (050) 400 11 60, (050) 313 42 62, (050) 366 4304, (012) 598 41 30.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi