Yuxarı

Azərbaycanda dabaq xəstəliyinə qarşı peyvəndləməyə başlanıb

Yolçu Xanvəli: Hazırda Azərbaycanda epizootik vəziyyəti sabitdir

Bakı. 2 dekabr. REPORT.AZ/ Azərbaycanda epizootoloji sabitliyin təmin olunması məqsədilə Kənd Təsərrüfatı Nazirliyi yanında Dövlət Baytarlıq Nəzarəti Xidməti ölkə ərazisində dabaq xəstəliyinə qarşı profilaktik peyvəndləmə tədbirinə başlayıb. Bu barədə "Report"a xidmətin mətbuat katibi Yolçu Xanvəli məlumat verib.

O bildirib ki, iribuynuzlu heyvanların peyvəndlənməsi ilk növbədə ölkənin sərhəd, daha sonra digər rayonlarında həyata keçiriləcək: "Dabaq xəstəliyinə qarşı profilaktik tədbirlərin daha səmərəli və operativ həyata keçirilməsi üçün heyvan sahiblərinin və aidiyyəti yerli qurumların dövlət baytarlıq xidmətinin mütəxəssislərinə müvafiq şərait yaratmaqla əməli köməklik göstərmələri tövsiyə olunur. Hazırda Azərbaycanda epizootik vəziyyəti sabitdir".

Xatırladaq ki, tədbirlər Beynəlxalq Epizootik Büronun tələblərinə uyğun olaraq epizootiya əleyhinə tədbirlər planına əsasən həyata keçirilir. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi