Azərbaycanda aqrar sektor 2%-dən çox böyüyüb

Bu ilin yanvar ayında Azərbaycanda 341,9 milyon manat dəyərində kənd təsərrüfatı məhsulu istehsal olunub.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrünə nisbətən 2,3% çoxdur.

Son 1 ildə ölkədə istehsal olunmuş bitkiçilik məhsullarının dəyəri 6,8% artaraq 16,4 milyon manat, heyvandarlıq məhsullarının dəyəri isə 2,1% artaraq 325,5 milyon manat təşkil edib.