Azərbaycanda aqrar sektor 2% böyüyüb

Bu ilin yanvar-noyabr aylarında Azərbaycanda 7 966 milyon manatlıq kənd təsərrüfatı məhsulları istehsal olunub.

"Report" Dövlət Statistika Komitəsinə istinadən xəbər verir ki, bu, ötən ilin eyni dövrü ilə müqayisədə 2% çoxdur.

Son 1 ildə ölkədə istehsal olunmuş bitkiçilik məhsullarının dəyəri 1% artaraq 3 936,2 milyon manat, heyvandarlıq məhsullarının dəyəri isə 2,9% artaraq 4 029,9 milyon manat olub.