Yuxarı

Azərbaycana yeni pambıqyığan kombaynlar gətiriləcək

Sabirabadda pambıqçılıqda istifadə olunan yeni texnikalar təqdim edilib

Bakı. 24 sentyabr. REPORT.AZ/ Sabirabad rayonunda pambıqçılıqda istifadə edilən yeni kənd təsərrüfatı texnikalarının təqdimat mərasimi keçirilib. 

“Report” Kənd Təsərrüfatı Nazirliyinə istinadən xəbər verir ki, tədbirdə nazir Heydər Əsədov, müvafiq qurumların rəhbər şəxsləri və əməkdaşları, pambıqçı fermerlər, alimlər, kənd təsərrüfatı mütəxəssisləri iştirak edib.

Sentyabrın 22-də dövlət başçısının pambıqçılıqla bağlı imzaladığı yeni sərəncam barədə məlumat verən H.Əsədov bildirib ki, bu sərəncam ölkədə kənd təsərrüfatının ənənəvi sahələrindən birinin inkişafına dövlət dəstəyinin gücləndirilməsi, pambıqçılığın potensial imkanlarından səmərəli istifadə edilməsi, pambıq istehsalına əhalinin marağının artırılması və sosial rifahının daha da yaxşılaşdırılmasına öz töhfəsini verəcək. Nazir vurğulayıb ki, artıq subsidiyalar əkin sahəsinə görə deyil, əldə olunan məhsula görə veriləcək ki, bu da son nəticədə məhsuldarlığın artmasına səbəb olacaq.

Eyni zamanda nazir “Aqrolizinq” ASC-nin xətti ilə ölkəyə gətirilən yeni texnika və məhsuldarlığın artırılması məqsədilə tətbiq olunan mütərəqqi texnologiya barədə məlumat verib: “Pambıqçılıqda istifadə edilməsi məqsədilə 1591 ədəd kənd təsərrüfatı texnikası gətirilib. Bu proses davam etdiriləcək. Oktyabr ayının 15-nə kimi Azərbaycana yeni pambıqyığan kombaynlar gətirilərək fermerlərin istifadəsinə veriləcək. Bu kombaynlar əsasən “John Deere” şirkətinin istehsal etdiyi ən müasir texnikalardır. Pambıq toxumçuluğuelmi əsaslarla yenidən qurulmalı, bu sahəyə diqqətartırılmalıdır”.

Sonra rayonun Xəlifəli kəndində pambıq sahələrinə baxış keçirilib, yeni alınan kombaynların yığım prosesi ilə tanış olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi