Yuxarı

Azərbaycan yerli arıçılıq məhsullarının ixracına hazırlaşır

Bunun üçün müvafiq dövlət qurumları bir sıra tədbirlər həyata keçirir

Bakı. 10 sentyabr. REPORT.AZ/ Azərbaycan İqtisadiyyat və Sənaye Nazirliyinin arıçılıq sahəsinin inkişaf etdirilməsində əsas məqsədi yerli arıçılıq məhsullarının ixracının təşkilidir. "Report" xəbər verir ki, bunu jurnalistlərə açıqlamasında iqtisadiyyat və sənaye nazirinin müavini Sahib Məmmədov deyib. 

S.Məmmədov vurğulayıb ki, aqrar sahənin inkişafı üçün istehsalçılar 2019-cu ilə qədər bir çox vergilərdən, o cümlədən torpaq vergisindən azad olunub.

S.Məmmədov deyib ki, ölkədə bu təsərrüfat üçün münbit şərait olduğuna görə, əsas məqsədlərdən biri məhsulların texniki cəhətdən də müasir standartlara uyğun olaraq rəqabət qabiliyyətinin artırılması və ixracın təşkilidir. Yerli məhsulların xarici bazarlara çıxarılmasından danışan nazir müavini bildirib ki, bunun üçün silsilə tədbirlər həyata keçirilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi