Yuxarı
    Bağlamaq

    Azərbaycan və Rusiya elektron baytarlıq sertifikasiyası üzrə birgə sistem yaradacaq

    Tərəflər həmçinin transsərhəd heyvan xəstəliklərinin profilaktikası və ona qarşı mübarizə məsələsində daha sıx əməkdaşlıqla bağlı razılıq əldə edib

    Bakı. 24 fevral. REPORT.AZ/ Azərbaycan və Rusiya elektron baytarlıq sertifikasiyası üzrə birgə sistemin tətbiqinə başlayacaq.

    "Report" Rusiyanın Baytarlıq və Fitosanitar Nəzarəti Federal Xidmətinin (Rosselxoznadzor) rəsmi saytına istinadən xəbər verir ki, bu barədə qərar "Gulfood-2016" beynəlxalq sərgisi çərçivəsində Federal Xidmətin nümayəndələrinin Azərbaycan Baytarlıq Xidmətinin rəhbər müavini Balarəhim Quliyevlə fevralın 23-də keçirilən danışıqlarının yekunu əsasında qəbul edilib.

    Məlumatda qeyd olunur ki, bu sahədə işlərin erkən başlaması üçün azərbaycanlı mütəxəssislər yaxın gələcəkdə Xidmətin bütün informasiya sisteminin işi ilə tanış olmaq məqsədilə Rosselxoznadzora səfər edəcək.

    "Qafqaz regionunda mürəkkəb epizootik vəziyyəti nəzərə alaraq, tərəflər həmçinin həm bu regionda, həm də ümumilikdə transsərhəd heyvan xəstəliklərinin profilaktikası və ona qarşı mübarizə məsələsində daha sıx əməkdaşlıqla bağlı razılıq əldə edib", - məlumatda deyilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi